21 يونيو 2009

همسات صامتة

حسيت انك نفسك تتكلم وتخرج كل اللي جواك
تقول من غير ما اي حد يمنعك او يصادر علي كلامك
زعلان من حد ونفسك تقوله ومش قادر
او انت زعلت حد وكرامتك منعتك من الاعتراف بالغلط
عاوز تشكر حد علي شئ جميل عمله معاك
جواك كلمة حب نفسك تقولها
او حتي لو كنت متضايق من نفسك
ساعات الكلمة لما بتتخنق جوانا بتوجعنا اوووي
نفسي كل حد يدخل عندي انهاردة يقول كل اللي في نفسه
يخرج مرتاح مش شايل هم
اي نعم كل واحد مننا عنده مدونة ويقدر يقول فيها اللي هو عاوزه
وكمان في مدونات مخصوص للفضفضة والمشاكل
بس ساعات بتمر بينا لحظة نفسنا نتكلم بصراحة ونقول اللي جوانا
ولو حتي كلمة واحدة
اي حاجة تيجي علي بال حد يقولها ومن غير ما يتردد
مش عاوزين انهارده تكون همساتنا صامتة
والحمد لله موجود عندنا شئ اسمه"غير معروف"
فلو مش عاوز تقول انت مين ادخل برضو وخرج كل اللي جواك
المهم تحس انك مرتاح وبالك رايق
واسمحولي انا كمان حكون معاكم في التعليقات
يعني مش حرد وبس
حكون ضيفة عليكم
وادخل افضفض لو حسيت اني عاوزة اتكلم
حسيبكم هنا وادخل بقي استناكم في التعليقات
العرض ده لفترة محدودة حتي نفاذ التعليقات
او حتي صدور بوست جديد ايهما اقرب
اتمني اكون سبب في سعادتكم
ويارب دايما تكونو بخير
سلام

11 يونيو 2009

الفارس النبيل

جئت اليوم اقف اجلالا واحتراما
تحية لرجل كريم
اراه قادما من عالم اسطوري
لم اقابل مثله الا القليل
يحمل بين جنباته
قلب ملك نبيل
توقفت احلامه واماله داخل وجدانه
وان ظلت الدنيا تنبض بالحياة
دخلت عالمه كي اكتشف اسراره
فقد خدعني مظهره الضاحك الهائم
احسست شجونه واحزانه
رغم ما يخفيه الغموض من اسرار
حذرني من الاقتراب من مدينته
لان اسوارها الجميلة
تحتضن الالم واليأس
اصررت علي الدخول
ولكني وجدت شئيا اخر
وجدت قلبا ينبض بالوفاء
وروحا تتواصل مع من احبت
بجسر نوراني في عالمها الاخر
لم يعرف النسيان طريقه اليه
وكيف له ان ينسي
هل ينسي نفسه . قلبه
ام ينسي احلامه التي باتت ذكريات
وقتها
علمت ان القلوب مغلقة علي اسرارها
عالم مليئ بالاحزان والآلم
تخطف من يقترب منها
اقتربت اكثر واكثر
هناك وجدتها
رأيتها في كلامه وداخل احلامه
يضعها تاج علي رأسه
يزيد من بهائه
يعشق روحها حتي بعد رحيلها
كيف لا والحب لا يعترف بالاشخاص
قدر الارواح
استصغرت نفسي وآلامي بجواره
احسست بضآلة مأساتي مهما كبرت
فأين انا من هذا العالم
اين انا من هذا الحب
وقفت مذهولة لا استطيع الكلام
فأي كلام ممكن ان يقال
نزلت دموعي دون ارادتي
كي تكون هي الاخري شاهده
علي هذا الحب النادر الوجود
فقد فتحت جرح غائر دون ان ادري
آلمت شخص وهب نفسه لسعادة الاخرين
يرسم بسمه هنا وهناك وقلبه ينزف حزن
ايها الفارس النبيل
عذرا ان آلمتك او جددت احزانك
بجهلي وفضولي
لم اكن اعلم ما تعانيه
كنت اظن ان ما بك ليس الا
هم او بعض ضغوط الحياة
ولكني وجدت شئ اكبر واعمق
وجدت معاني يصعب علي الكثيرين فهمها
مهما عبرو من الزمان
هنيئا لك بقلبك المعطاء
الذي يغمر كل من حولك
بفيض من الاحساس
ارجوك لاتجعل احزان هذا القلب
حبيسه اسواره
اتركها تخرج ويخرج هو معها
لعله يجد من يساعده او يخفف عنه
حتي وان وظل محتفظا بذكرياته
فهي شرف له ودليل علي وفائه
في زمن الجحود والنكران
يا صاحب القلب النبيل

4 يونيو 2009

ولا بيهمنا



السلام عليكم ورحمة الله وبركاته

موضوع النهاردة صعب شوية على الناس اللى عيشاه لانى عيشته قبل كده واكيد هاعيشه تانى فى العالم ده عالم المدونات والمنتديات اللى فيها ناس اصحاب نفوس مريضة بتنسب احساس غيرها لنفسها ،، طيب ليه ، ما هما لو قالوا انها منقولة الناس هتحترمهم اكتر ،، انا جاى النهاردة ومعايا بعض المواضيع المسروقة نبدا الاول بالطفلة الرومانسية اللى اتسرق منها كتير جدا وفضلت تحاربهم لوحدها من غير ما حد فينا يعرف وده لينك المواضيع الخاصة بيها

http://ba7bkmooot.blogspot.com/2009/03/blog-post_4690.html
دى رابط مدونة للى عايز يدخل
*****************
http://romantic.forumm.biz/montada-f6/topic-t238.htm
http://banilayth.com/forum/showthread.php?p=38813
http://a7lam3omrna.com/vb/showthread.php?t=3442
اما الانسانة التانية فهى وردة وموضوعها لا تبكينى يا قمرى وده لينك المنتدى اللى موجود فيه البوست
http://www.fremuzic.com/vb/t1159.html
AHMED66 (123456)
الاسم ده للى عايز يدخل يخبط شوية بس ياريت بلاش ضرب نار علشان انا مش اد اى ذنب
وفراشة هى كمان نابها من الحب جانب فى بوستها تارجح وردة بس الحمد لله اللهو الخفى اللى عمل كده مسح الموضوع النهاردة تقريبا بس شكله اخد موضوع من حد تانى بس لسة انا مش عارف مين الضحية ،، والازهرى كان موجود هناك وعمل معاه الواجب ربنا يجزيه خير
وده اللينك للمدونة اللى نشرت موضوع فراشة
http://love-radwan.blogspot.com/2009/05/blog-post_23.htm
بالنسبة لفراشة فاعمالها على مدونة يعنى ممكن تدخلو باسمكم او اسم مجهول مش هتفرق
اما بقى منووووووووش اتسرق منها بردة بس اللى عمل كده ناصح شوية الاستاذ غير الاسم للبوست وده الرابط الخاص بيه

http://vb.mazikaok.com/thread1944.html
AHMED88 (123456)
وده لمنوووووش وبردة بلاش ضرب نار
كل اللى بيحصل ده مش بيهمنا لسبب بسيط جدا ان الانسان اللى ربنا بيهديه موهبة مش بتخلص زى البحر خد منه على اد ما تقدر تفتكر هياثر فيه ابدا البحر مش هينتهى الا بيوم القيامة واحنا كمان الموهبة مش هتنتهى الا بموتنا خلى اللى ياخد ياخد لاننا مش هينفع نبطل كتابة ولا هنقدر نوقف الناس دى ابدا لان مفيش رقابة من اى نوع فياريت اللى اتسرق منه حاجة يقول يارب واكيد ربنا مش بيرضى بالظلم مهما طال الزمن
وباتمنا اللى يقدر ياخد نسخة من البوست ده وينشرها عنده ربنا يجزيه خير بس يستئذن بدل ما نحطه فى القايمة مع اخوانا دول ((بهزر طبعا ))
واى حد يلاقى او يعرف شىء ياريت يكتبلى الرابط هنا فى التعليقات
وان شاء الله النهاردة او بكرة بالكتير اوى هاعمل تسجيل دخول لااعمال الطفلة وندخل نتصرف معاهم ولو حد حاول يدخل بالباس ورد اللى موجودين فوق وما عرفش لازم يعرف ان فى اخ له او اخت موجودة وبتخبط براحتها
باتمنا اننا نتحرك بجد