ممكن استعين بصديق؟؟

ممكن استعين بصديق؟؟
اصل الاسئلة صعبة جدا بجد وعلشان كده اتأخرت بالاجابة عليكم
قبل اي حاجة بشكر كل اصحابي واخواتي اللي بيتبعوني
وخصوصا محمد شاكر صاحب مدونة حارة سد اللي اهداني التاج الاول
وشوشو هانم وشيمو القمر اللي اهدوني التاج التاني
ربنا يكرمك جميعا
بتسعدوني بتواجدكم معي دائما

التاج الاول"حارة سد"

من أنت ؟وما الذي تفعله هنا ؟
انا انسانة عادية جدا بسيطة احاول ان اعيش في هذه الدنيا
ابحث عن السعادة في من حولي
وانا هنا من اجل الفضفضة
جئت بعد ان اغلقت الدنيا ابوابها في وجهي
إسرائيل تقصف كل جنوب ممكن بحثا عنك ، أي شمال ستقصد ؟
سأظل في الجنوب ان استطعت الدفاع عن نفسي كان بها
والا الموت اهون من الجبن
"العمر واحد والرب واحد"
أنت مكلف بحذف حرف من حروف اللغة العربية .. أيها ستختار ولماذا ؟
اللغة العربية والقرأن واحد ولذلك لن احذف حرف من حروف القرآن فهذا مستحيل
لو قدر لك أن تدخل السجن فما هي القضية التي تتمنى ان تدخل بها إليه؟
مفيش حد يتمني يدخل السجن
لو اذنبت سأعقب نفسي واسجنها بين جدران قلبي وهو اقصي من جدران السجن
بالمناسبة.. منذ متى اكتشفت نفسك؟
لا لم اكتشف نفسي اللي الان
ولكن احيانا اعرف جوانب من شخصيتي وهذا يحدث يوميا
على مفترق طريق لافتتان ، اليمنى تقول ( إلى حلمك ) واليسرى تقول : ( إلى مالم يحلم به البشر ) ، أي الطرق ستسلك ؟
ههههه
الاتنين واحد
لان حلمي هو حلم لم يحلمه البشر
والا كان مجرد هدف لكل الناس
نحن لا نعيش حياتنا بل نتعلم فيها كيف نعيش» ما تعليقك؟
طبعا اوافق
والدليل احيانا لا نعرف قيمة الاشياء اثناء تواجدها معانا
ولكن عندما نفقدها
نظل نتعلم كيف نعيش وعندما نتيقن اننا اصبحا علي يقين تختلف الامور كليا ونبدء من جدي مرة اخري
بجملة واحدة فقط أكتب تعريفاً لكل كلمة من الكلمات التالية:-
الوطن : الامان في زمن الضياع
الأم: اعظم واكرم واسمي مخلوقات الله وسر ما انا فيه
الليل:حلم جميل يريد العابد ان يسهره ذاكر ويريد العاشق ان يسهره حالم ولكنه في النهايه هو ساترلما في قلوبنا جنميعا
الحب: امل النفس
أمريكا :وحش يلتهم عقولنا ويأخذ منا زهرة شبابنا
المرأة :كائن ضعيف يقويه الحب ويهزمه الكره اما الظلم والقسوة فيجعل قلبها حجر
الصمت:كنز عندما يكون الكلام مجرد ثرثرة
الإنترنت: توسيلة للتواصل نلجأ اليها بعد ان نفشل في تواصلنا مع واقعنا
المسنجر:احيانا نعمة وكثيرااااااااااا نقمة
أخترمنصباً واتخذ قرارا
لا اريد منصب في عملي
ولكن ما اتمناه ان اكون زوجة محبة وام حنونة
القرار الا يتدخل احد في شئون عائلتي الصغيرة مهما كان ومهما كانت الاسباب
قيس، عنترة، جميل، هم الذين يقولون شعرا، وليلى وعبلة وعزة «صموت» لماذا هذا التغييب للمرأة؟
الحب عند المرأة يسكن قلبها وروحها وان لم تتحدث فيكفي ان تشير به
اما الرجل هو الاجدر عن التعبير بالكلام
وهذا ليس تغيبا للمرأة بل تكريما لمكانتها

أن تكون مطلوبا لارتكابك جريمة ، خير لك من ألا تكون مطلوباً مطلقاً " ، هل تتفق مع هذه العبارة ؟ علل
ههههههههههه
مش عارفة
احب طبعا اكون مطلوبة
بس مش كجرمة
ياساتر "سجن وجريمة"
إلى أين تمضي كلمات الحب .. بعد أن نقولها؟
اذا كان الحب صادق تمضي الهمسات الي القلب وليس الكلمات فقط
اما اذا كان مجرد حب عابر او اعجاب اواي شئ خلاف ذلك فمصيرها تدخل من احد الاذن لتخرج من الاخري مسرعة
هل تجد علاقة بشكل أو بآخر بين المرأة وقطاع الطرق ؟
الاثنين يسرقون
ولكن المرأة تسرق الحب من قلب الرجل لتعطيه حياتها في المقابل
هذا فراق بيني وبينك .. متى ولمن تقولها ؟
اقولها لمن:
لا يراعي حدود الله
لمن غدر بي ولم يصن عهدي
لمن كذب علي

لمن لايشعر بحبي وهو يعلم به

التاج التاني
من حبيبتي شيمو القمر

واختي الصغيرة شوشو هانم

اسمك؟
وردة
سنك؟
له بس الاحراج
هما 27 من غير كام شهر
المشهورة بيه وسط اصحابك؟
كتييير جدا كل واحدة من صحباتني بتخترعلي اسم وكلهم حلوين عندك
اسم مدونتك؟
نبضات القلب
مجال دراستك؟
بكالوريوس عمارة كليه فنون جميلة جامعة الاسكندرية
الصورة الرمزية لمدونتك بتعبر عن إيه؟
بتعبر عن بنت خايفة يمكن الحزن هزمها وملقيتش حد جنبها
وقفت وحيدة حضنت نفسها
هل فكرت فى إغلاق مدونتك ؟ ولماذا ؟
امممممم
مرة واحدة
لقيت تعليقات سخيفة اتخنقت وقولت بلاش وجع دماغ انا عملت المدونة اساسا علشان اريح بالي
بس تراجعت واكتفيت بقفل التعليقات لاني رفضت ان حد يتحكم في مدونتي
ما هو رد فعلك إذا حد قل أدبه عليك فى التعليق؟
اتعلمت امسح
ههههههههههه
اه والله في الاول كنت بتحرج بس دلوقتي اتعودت وممكن امسحه
والحمد لله ان ده مش بيحصل غير نادر لان كل زواري محترمين
أسوأ مدونة ؟
لسه مدخلتهاش
هيحصل ايه للايميل بتاعك لما تموت؟
حيموت معايا هو حاجة بتاعتي واستمرارها مالوش لازمه بالعكس ممكن يقلب المواجع علي احبابي
اديت الباص وورد بتاعك لحد قبل كده؟
اه طبعا مفيش مشكلة لاني معنديش اسرار واولهم اختي
السفر بالنسبة ليك إيه ؟
هما حاجتين بس
ازور الكعبة المشرفة
واسافر اتفسح مع زوجي ان شاء الله
المود بتاعك إيه؟
هههههههههههه
مش عارفة
ماليش حاجة ثابتة
ساعات بكون مبسوطة علي الاخر وحد يقولي كلمة تشقلب حالي
بس بروق بسرعة برضو"كلمة بترضيني"
بحب الضحك والرغي كتيير
يمكن ده اللي بيأثر علي مودي
بتعمل إيه فى وقت فراغك؟
نفسي الاقي وقت فراغ
الصبح في الشغل او علي النت
باقي اليوم بعمل حاجات كتيير جدا
"بطبخ ارتب البيت اخرج اكتب حاجة في دماغي"
ولو حصل في يوم لاقدر الله وبقيت فاضية
اعوذ بالله
دماغي بقي تشتغل
هههههههههه
وتجيب الشريط كله
علشان كده بحاول اشغل نفسي بحاجات كتييييير جداااا
الأكلة المفضلة ؟
السمك وخصوصا الجمبري
والمحشي ورق العنب
الصفات التى ورثتها عن والدك؟
بابا ده ملالالالالاك ياريت اورث منه حاجه
ممكن اكون بحب احتفظ بالاشياء القديمة زيه
تحمل المسئولية
الحنية بشكل فظيييييييييييييييع
الصفات التى ورثتها عن والدتك ؟
امي ربنا يخليها
اهم حاجة ورثتها منها
القلق
ههههههههههههه
اصلها قلوقة جدا وبتحبنا بشكل لا يوصف ولا يخطر علي قلب بشر
طيبة وبتحب الحق وبتحب الناس"عشرية"

وحنينة وقلبها صغير زي قلب العصفورة
أكثر ست حاجات بتكرهها؟
الغباء- الكره – البخل – الخيانة - الكذب ثم الكذب – النفاق
اكثر ست حاجات بتحبها؟
الحب – الحنية – الصراحة – المفاجأت – الضحك – الكتابة
شخصيتك نوعها إيه ؟
مش عارفة
ساعات بكون هادية "وده اول انظباع بيأخده حد يقابلني"
مجنونة وشقية "لما بأخد علي الناس"
الاغلب "عشرية وبحب الناس"
لماذا دخلت عالم التدوين ؟
بصراحة شديدة كنت بمر بفترة صعبة جدااا حسيت ان الدنيا انتهت خلاص
فقدت الثقة في كل حاجة
وبالصدفة اتعرفت علي مدونة "مركب ورق"
وكنت بكتب من قبل كده
لقيتها فرصة افضفض وحد يسمعني بحيادية شديدة دون ان يعرفني
واعرف رأيهم فيما اكتب
عاوزة حد يشاركني افراحي واحزاني دون ان يكون بينا مصلحة
يفرحو لفرحي ويسندوني في المي
عاوزة اصحاب واهل بجد
أجمل كلمة قيلت لك على مدونتك ؟
كل حد بيقولي كلمة حلوة "من قلبه"بترفعني فوووووق لسابع سما
وكل اخواتي اللي بيدخلو عندي كلملتهم رقيقة
بتشجعني
اهمية التعليق بالنسبة ليك ؟
مهم جدا ده بيعرفني انا رايحة فين
بكتب صح ولا غلط
اللي بكتبه مهم ولا مجرد كلام
أحسن بوست كتبته ؟ اللينك
بحبهم كلهم "دول عيالي" ههههههههه
مينفعش اقول ده حلو وده وحش
انتو بقي حددو وقولولي
أفضل بوست قرأته ؟ وأفضل مدونة ؟
بصراحة كتيير جدا منهم1- اجمل حورية
مدونة اسماء واحلام في وجداني "احمد"

بجد البوست ده تحفة
2-"لم اكن وحدي معه"
في مدونة شقاوة قلم " ملكة بحجابي"

حسيت بكل كلمة فيه بجد
الانترنت بالنسبة ليك إيه؟
تواصل مع الغير
امرر التاجين دول لمين
يا جماعة اللي جاوب علي واحد من الاتنين يجاوب علي التاني واللي مجاوبش خالص يتفضل بالهنا والشفا الاتنين
ومفيش اختيارات
الاجابة اجباري
واللي مش حيجاوب هو حر بقي ذنبه علي جنبه
فراشة
شيمو القمر
اسماء واحلام في وجداني
Sweet smile"سراج"
شوشو هانم

بسمة اخت شوشو هانم
حارة سد
شقاوة قلم
ايمان روحي
كأني اتكلم
ما وراء الافق
د/عرفه

المضيفة
احساس طفلة محبة للرومانسية بس واقعية
هل تبحث عن السعادة

دردشه عربي

عودة مملكة الزمن الجميل"ادم المصري"
انا بجد خايفة اكون ناسيه حد
وكل ما اتذكر حد من اصدقائي واخواني حضيفه
مش بقولكم
"ممكن استعين بصديق"