باقة ورد

اولا انا جيت انهاردة احكي معاكم شوية
بعيد عن الخواطر والكلام المنسق
حسيت اني لازم اشكركم جميعا علي ذوقكم معايا
ومشاركتكم ليا كل اللي بكتبه
بهديلكم جميعا باقة ورد كبيييييرة اوووي
"اللي في اخر البوست علشان محدش يطلع ايده فاضية"
ممكن يكون كان كلامي عادي او مجرد شخابيط بكتبها
بس لقيتكم بتشجعوني ومهتمين بيها
حسيت اني وسط ناس اعرفها من سنين
ممكن مكونش اعرفكم شخصيا الا ناس قليلة
بس بجد احساسي بيكم كان كبير
لدرجة ممكن متتخيلوهاش او تقولو عليا مجنونة
بس ديه الحقيقة
انا دخلت المدونات بالظبط 11-11-2008
يعني مش بقالي فترة طويلة
بس كانت فترة جميلة
كفاية اني لقيت ناس محترمة وفاهمة وبتسمع لغيرها
وجيت انهاردة علشان اطلب منكم اجازة
اه والله اجازة بس
محدش يفتكر اني اقدر اتخلي عن ناس بحترمها زيكم
ولا اني خلاص مش حكون معاكم تاني
لاني انا مش حقدر
هي بس مجرد اختلاء بالنفس او راحة او مراجعة حسابات
اي حاجة زي ما تسموها
وحاسة ان مفيش حاجة ممكن انزلها الفترة الجاية
اكيد حتابع كل اعمالكم الجميلة "حتروحو مني فين"
بس خلوني انا بعيد الفترة ديه
واول ما احس اني عاوزة اتكلم مع حد او اخد رأي حد
حتكونو انتو طبعا اول ناس
وحتلاقو بوست جديد" نازل مكسر الدنيا" كالعادة
ولو يعني وحشتكم او حد افتكرني
حتلاقو البوستات القديمة موجودة
ابقو ارجعولها
انا طولت عليكم
صح
بصراحة مش عاوزة اخلص الكلام
بس عاوزاكم تعرفو حاجة
انتو غاليين عندي جداااا
والله بجد انت اخوات محترمين
بتمنالكم التوفيق والنجاح
متنسونيش
اختكم
وردة