كان يا ما كان في يوم من الايام
حلمت حلم جميل كان نفسي احققه
حلمت بأرض واسعه مفروشة بزرع اخضر
وفيها بيت صغير جميل قدنا
وياريت لو جنب بيتا نعمل بيت للحمام
العب معاه اجري وراه وبأيدي ااكله
ينزل علي الارض اجري امسكه
يهرب بسرعة بعيد بعيد
حكيت لامي حلمي ضحت وقالت
ادعي ربنا
هو الوحيد القادر يحقق حلمنا
طب علميني يامي ازاي اكلم ربنا
اقوله ايه
قولي
يارب ياربنا حقق حلمنا
رفعت ايدي لفوق لفوق ودعيت ربنا
يمكن في يوم اصحي الاقي نفسي هناك
في الارض الواسعة والبيت الجميل
ومرت الايام وكل ليلة احلم نفس الحلم الجميل
واحس انه اتحقق خلاص
اصحي الصبح بدري اجري علي مدرستي
بس النهاردة كانت امي جاهزة وبتقولي
ياله بسرعة انا اللي حوصلك
مش عارفة افرح علشان ماما حتوصلني
ولا اقلق علي ابلة مني
هي ليه مش حتوصلني زي كل يوم
انا عاوزة اطمن عليكي يا حبيبتي الطريق النهاردة مش امان
نزلت ويا امي وفي الطريق الناس كتير مستعجلين
والحركة غير عادية مش زي كل يوم
وعلي باب المدرسة عم طه علي الكرسي قاعد
قافل الباب وبيمشي الولاد
"ياله روحو بسرعة"
ليه بس ياعم طه
ياستي الضرب جامد ونخاف علي الولاد تتأذي
ديه مسئولية
وهما مش بيفرقو اطفال ستات عجايز
ياله منهم لله
هما ليه بيعملو كده يا امي
معلش يا حبيبتي ادعي ربنا يخلصنا منهم
رفعت ايدي لفوق لفوق ودعيت ربنا
يمكن في يوم اصحي الاقينا خلصنا منهم
وانا راجعه البيت ويا امي فجأة لاقيت...........
لا يا ماما حرام والله حرام مين اللي عمل كده...........
بكيت بشدة ضميتني امي خبيت وشي في صدرها...........
هو الحمام عمل ايه ياامي مين قتلها ياامي مين..................
مين اخدها من حلمي وقتلها!!!!!!!!!
مفيش غيرهم يا حبيبتي اللي مش عايزنا نحلم
عايزنا دايما نغرق في الحزن ونبقي ضعفا
متخفيش يا حبيبتي واتمسكي بحلمك
اوعي تيأسي خليكي قوية
ادعي ربنا
خلاص ياماما ضاعت حمامتي حكمل حلمي ازااااي
اوعي تقولي كده
حتي لو اخدو كل الحمام
حيفضل حلمك بالبيت الجميل والارض الواسعة
وحاجات كتيير جميلة حتحققيها ان شاء الله
بجد يا امي
اه يا حبيبتي بجد
بس علي شرط
تدعي ربنا طول الوقت
يارب ياربنا ابعدهم عننا وحقق حلمنا
ليست هناك تعليقات:
إرسال تعليق